Local News
Minneapolis: Xayiraad lagu soo rogay wadooyinka iyo goobaha gawaarida la dhigto
Magaalada Minneapolis ayaa soo saartay xayiraad iyo sharci cusub oo la xiriira jidadka gawaarida la dhigto iyo weliba dhinaca la dhigan karo gawaarida laga bilaabo maalinta Arbacada Haddaba waxaa muhiim ah in aad ka taxaddarto meesha aad dhiganayso gaariga. Xayiraadyada la xiriirta goobta aad gaariga dhigan karo ee cusub ayaa dhaqangalaysa maalinta Arbacada. Xayiraadan iyo […]
Magaalada Minneapolis ayaa soo saartay xayiraad iyo sharci cusub oo la xiriira jidadka gawaarida la dhigto iyo weliba dhinaca la dhigan karo gawaarida laga bilaabo maalinta Arbacada
Haddaba waxaa muhiim ah in aad ka taxaddarto meesha aad dhiganayso gaariga. Xayiraadyada la xiriirta goobta aad gaariga dhigan karo ee cusub ayaa dhaqangalaysa maalinta Arbacada.
Xayiraadan iyo sharcigan cusub oo ah mid mudo dhowr bilood ah socondoona ayaa waxaa sabab u ah barafka badan ee ka da’ay magaalada Minneapolis iyo guud ahaanba gobolka Minnesota.
[su_youtube url=”https://youtu.be/2tR00CtuYKA”]
Muuqaalkan video-ga ah ka daawo meesha saxda ah ee aad gaariga dhigan karto.
Maadaama uu jiro baraf aad u badan oo da’ay bishan Febraayo, haddaba barankan badan oo ah mid taariikhii ah ayaa sababay in wadooyinkii ay noqdeen cidhiidhi taas oo keentay in gawaarida gurmadka deg-dega ahi ee sida ambalaasta iyo gawaarida dabdamiska ay mari waayeen wadooyinkii uu barafku cidhiidhiga ka dhigay.
Sawir ku tusaya meesha iyo dhinaca aad gaadhiga dhigan karto iyo dhinaca aan laguu ogolayn in aad gaadhiga dhigato.
Xanibaad oo bilaabanaysa 8-da subaxnimo maalinta Arbacada ah ee bisha Febraayo ay tahay 27, 2019 ayaa la qaadi doonaa ama ku eg 1-da bisha April, 2019.
Waxaad si fiican u fiirsaa ama u hubisaa dhinaca laguu ogol yahay in aad gaadhiga dhigan karto iyo dhinaca kale ee aan laguu ogolayn, gaarigana aan la dhigi Karin.
Haddii aad dhigato gaariga dhinaca khaldan ee xayiraada la saaray waxaa dhici karta in gaariga tigidh la gaa siiyo ama ayba suurto gal tahay in gaariga lagaa jiito, haddaba waxaa muhiim ah in aad taxadarto.
Wixii akhbaar dheerad ah booqo City’s snow information web site, ama wac Taleefanka loogu talagalay gurmadka deg-dega wakhtiga qaboobaha : (612) 348-SNOW (7669).
Xigashadda sawiradda iyo muuqaalka video-ga: Minneapolis iyo WCCO
Local News
Hudda Ibrahim oo xil loo magacaabay islamarkaana ay ansixiyeen guddiga golaha deegaanka magaaladda Saint Cloud
Saint Cloud – Guddiga golaha deegaanka magaaladda Saint Cloud ee gobolka Minnesota ayaa Dr. Hudda Ibrahim u magacaabay in ay kamid noqoto guddiga gollaha deegaanka magaaladda Saint Cloud. Hudda ayaa qabanaysa xilkii uu hayey Jake Anderson oo bishii November loo doortay in uu noqdo duqa magaaladda Saint Cloud.
Dr. Hudda Ibrahim ayaa waxaa u codeeyay dhamaan xubnaha guddiga gollaha deegaanka magaaladda Saint Cloud ee gobolka Minnesota. Dr. Hudda Ibrahim ayaa taariikh cusub ka dhigtay magaaladda Saint Cloud. Waxay noqotay qofkii u horeeyay ee Soomaali ah ee xil dowladeed ka qabta magaaladda Saint Cloud.
Xigashadda sawiradda: Xidig TV
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
-
Local News5 months agoGovernor Walz Announces Minnesota Ranked as a Top State for Business
-
Local News2 months agoCelebrating Community: The Inaugural Samafal Gala at the Minnesota Somali Community Center
-
Community3 months agoYouth Leader and Mentor: Mohamed Jama’s Fight for Change in Whittier
-
Local News5 months agoSecretary Simon Named President of the National Association of Secretaries of State
-
Local News3 months agoBCA Identifies man shot by Minneapolis police after firing AK-47 in Minneapolis apartment building
-
Local News2 months agoNINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
-
Videos2 months agoContracting: Mastering the Basics and Beyond – Nov 13th
-
Local News1 month agoMagaaladda St. Paul oo bixisay deymo lagu lahaa 32,000 oo qof