Local News
Maxkamada Maxamed Nuur oo billaabmaysa iyo xanibaad la saaray warbaahinta
Waxaa maalinta Isniinta ah ee ay bisha April tahay 4/1/2019 magaalada Minneapolis ka billaabanaysa maxkamada Sarkaal Maxamed Nuur oo in mudo ahba la sugayay. Garsooraha u xil saaran dacwada ka dhanka ah Maxamed Nuur Kathryn Quaintance ayaa maanta sheegtay in ay xanibayaan oo ay yareynayaan tiradda suxufiyiinta, warbaahinta iyo dadweynaha ka soo qaybgeli kara ama […]
Waxaa maalinta Isniinta ah ee ay bisha April tahay 4/1/2019 magaalada Minneapolis ka billaabanaysa maxkamada Sarkaal Maxamed Nuur oo in mudo ahba la sugayay.
Garsooraha u xil saaran dacwada ka dhanka ah Maxamed Nuur Kathryn Quaintance ayaa maanta sheegtay in ay xanibayaan oo ay yareynayaan tiradda suxufiyiinta, warbaahinta iyo dadweynaha ka soo qaybgeli kara ama imaan kara wakhtiga ay maxkamadu socoto.
Garsoore Kathryn Quaintance ayaa xanibaadan sabab uga dhigay in la rabo in qolka maxkamada ama goobta ay maxkamadani ka dhacayso ay ahaato meel xasilan oo gar iyo maxkamad cadaalad ah ay ka dhici karto.
Sarkaal Maxamed Nuur ayaa loo haystaa dacwo la xiriirta dil uu u geystay Damon isaga oo shaqo ku jirana toogtay bishii July 2017.
Sarkaal Maxamed Nuur iyo haweenayda Justine Ruszczyk uu toogasho ku dilay isaga oo shaqo ku jira.
Maxkamada la saarayo Maxamed Nuur ayaa ah mid taariikhi ah oo ku cusub nidaamka cadaalada dalka Mareykanka. Waa markii u horeeysay ee taariikhda gobolka Minnesota ee dacwad lagu soo oogo sarkaal kamid ah ciidanka bilayska, dacwadaas oo la xiriirta dil uu geysto qof sarkaal ah isaga oo shaqo ku jira.
Haddaba Garsoore Kathryn Quaintance ayaa xanibtay tiradda warbaahinta, dadweynaha iyo weliba tiradda dadka uu qaadi karo golka maxkamada lagu qabanayo. Waxaa mudada ay maxkamadu socoto loo ogol yahay 8 suxufi iyo 11 qof oo ah dadweyanaha imaan kara wakhtiga ay maxkamadu socoto.
Maxkamada ayaa si rasmi ah u bilaabanaysa maalinta Isniinta ah ee ay bisha April tahay 4/1/2019. Wixii akhbaar dheerad ah ee ka soo baxa maxkamada sarkaal Maxamed Nuur kala so Wargeyska Tusmo Times.
Xigashadda sawirka: MPR
Local News
Hudda Ibrahim oo xil loo magacaabay islamarkaana ay ansixiyeen guddiga golaha deegaanka magaaladda Saint Cloud
Saint Cloud – Guddiga golaha deegaanka magaaladda Saint Cloud ee gobolka Minnesota ayaa Dr. Hudda Ibrahim u magacaabay in ay kamid noqoto guddiga gollaha deegaanka magaaladda Saint Cloud. Hudda ayaa qabanaysa xilkii uu hayey Jake Anderson oo bishii November loo doortay in uu noqdo duqa magaaladda Saint Cloud.
Dr. Hudda Ibrahim ayaa waxaa u codeeyay dhamaan xubnaha guddiga gollaha deegaanka magaaladda Saint Cloud ee gobolka Minnesota. Dr. Hudda Ibrahim ayaa taariikh cusub ka dhigtay magaaladda Saint Cloud. Waxay noqotay qofkii u horeeyay ee Soomaali ah ee xil dowladeed ka qabta magaaladda Saint Cloud.
Xigashadda sawiradda: Xidig TV
SAINT PAUL – Magaaladda St. Paul ee gobolka Minnesota ayaa bixisay dhamaan deymo la xiriira caafimaadka oo lagu lahaa 32,000 oo qof oo deggen magaaladda. Duqa magaaladda St. Paul iyo shaqaalaha howshan ka shaqeeyay ayaa todobaadkan waraaqo u diraya 32,000 oo qof oo ay u sheegayaan in dhamaan wixii dayn caafimaad ee lagu lahaa laga bixiyay, lagan tirtiri doono.
Arrintan oo aad loo hadal hayo ayaa waxaa balanqaaday duqa magaaladda St. Paul Melvin Carter markii uu ku jiray ololaha doorashadda ee dib loogu doortay. Haddaba magaaladda St. Paul ayaa tirtirtay daymo qiimo ahaan ah $40 milyan oo ah daymo la xiriira caafimaadka oo lagu lahaa dadka deggen magaaladda. Duqa magaalada St. Paul Melvin Carter ayaa sheegay in qorshahan looga golleeyahay in taageero la siiyo dadka daynta lagu leeyahay ee deggen magaaladda St. Paul si culeyksa dhaqaale looga qaado, loona garab qabto oo loo kaalmeeyo.
Local News
NINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO
MINNEAPOLIS – Derrick Thompson oo ah ninkii shanta gabdhood ee Soomaalida ah shil gaadhi ku dilay ayaa diiday heshiis qirasho ah oo ay haweenayda ah Xeer-ilaaliyaha Degmadda Hennepin soo hordhigtay, balse ninkan ayaa sheegay in uu beddelkeeda maxkamadayn doonayo. Ninkan ayaa ku eedaysan dil darajada saddexaad ah iyo dil baabuur oo lagu eedeeyay in uu baabuur ku dhacay oo uu dilay shan gabdhood oo saaxiibo ah isaga oo ka baxsanaya booliiska.
Bishii hore ayeey maxkamad heer federaal ah ninkan ku heshay dhowr dembi oo la xiriira dilka gabdhaha. Qareenada Degmadda Hennepin ayaa xaqiijiyay in Derrick Thompson iyo qareenada difaacaya ay diideen heshiiska qiraalka ah, iyaga oo door biday in dacwadda la billaabo Febraayo 18, 2025 oo maxkamad la aado.
Derrick Thompson ayaa lagu soo oogay shan dacwadood oo kala ah dil darajada saddexaad ah iyo 10 fal dambiyeed dil baabuur ah oo sababay dhimashada shan gabdhood oo dhallinyaro ah oo da’doodu u dhaxayso 17 ilaa 20 jir: Salma Mohamed Abdikadir, Sahra Liban Gesaade, Sagal Burhaan Hersi, Siham Adan Odhowa, and Sabiriin Mohamoud Cali.
-
Local News7 months agoGovernor Walz Announces Minnesota Ranked as a Top State for Business
-
Local News4 months agoCelebrating Community: The Inaugural Samafal Gala at the Minnesota Somali Community Center
-
Community4 months agoYouth Leader and Mentor: Mohamed Jama’s Fight for Change in Whittier
-
Local News7 months agoSecretary Simon Named President of the National Association of Secretaries of State
-
Health3 months agoE. coli O157 infections linked to consumption of burgers from Twin Cities restaurants
-
Local News5 months agoBCA Identifies man shot by Minneapolis police after firing AK-47 in Minneapolis apartment building
-
Local News3 months agoDuqa magaaladda Minneapolis Jacob Frey ayaa qorsheynaya inuu mar kale isu soo taago doorashada Duqa Magaaladda
-
Local News3 months agoNINKII SHANTA GABDHOOD SHILKA KU DILAY OO DIIDAY HESHIIS QIRASHO AH, GO’AANSADAYNA IN MAXKAMAD LA HORGEEYO